"A parlata aiaccina" distribuitu in i scoli di a cità
500 dizziunarii annant'à a parlata aiaccina ani da essa distribuiti in i scoli di a cità impiriali. 
Rughjeru Miniconi hà rigalatu à a Cità d'Aiacciu una catasta di dizziunarii ch'ellu hà publicatu annant'à "a parlata aiaccina citatina è paisana". Un travagliu fù iniziatu capu nanzu cù i cunsiglieri pidagogichi di l'Iducazioni Naziunali da cunnoscia i bisogni d'ogni scola chì u scopu era di distribuì i libri sicondu i bisogni di i maestri. I sculari aiaccini ringrazieghjani l'autori d'avelli fattu stu bellu rigalu è si prega una longa strada à a lingua corsa....è aiaccina !
