L' 80 anni di a libarazioni di a Corsica in Aiacciu
Un prughjettu almanaccatu annant'à cinqui mesi hè statu iniziatu da u sirviziu LCC di a Cità d'Aiacciu. 7 classi di u primariu è 1 di u culleghju Litizia ani participatu à parechji azzioni prugramati da u mesi di ghjinnaghju sin'à a fini di maghju. L'ultimu ritrovu fù di participà à un parcorsu in u centru di a Cità d'Aiacciu da pudè scopra u patrimoniu urbanu in rilazioni cù a risistenza. Ringraziemu i zitelli è i maestri chì ani participatu, i nostri partinarii (l'Iducazioni Naziunali, l'ONaCVG, SPL AMETARRA è l'associu Corsica MVCG) pà l'aiutu ch'elli ci ani datu, Jean pierre Massoni di u Sirviziu Lingua è Cultura Corsa di a Cità d'Aiacciu. L'eletti municipali incaricati di a lingua corsa è di u duveru di mimoria anch'elli erani prisenti. 
Nestor Bouttaud è d'altri membri di l'associu Corsica MVCG sò vinuti dui ghjorni cù jeep, armi è tinuti militari da crià un ambiu di risistenza in a citatella d'Aiacciu.
U libru "Vendetta" scrittu in corsu è in francesu hè statu rigalatu à ogni zitellu di l'ottu classi. Ringraziemu à L'ONaCVG pà a so participazioni finanziaria.
